Ońtústik Koreıada kóshkin júrip, tórt adam qaza tapty
NUR-SULTAN. QazAqparat - Ońtústik Koreıada nóser jańbyr saldarynan kóshkin júrip, tórt adam qaza tapty, bireýi joǵalyp ketti, dep habarlady Yonhap senbi kúni.
Agenttiktiń deregi boıynsha, keleńsiz jaǵdaı keshe Seýlden ońtústikke qaraı 400 shaqyrym jerde ornalasqan Kokson ýezinde bolǵan.
Kóshkin bes úıdi basyp qalǵan. Okrýgtiń 30 turǵyny jaqyn mańdaǵy mektepke evakýatsııalandy.
Sondaı-aq, beısenbide Yonhap agenttigi nóser jańbyrǵa baılanysty dambadan bosatylǵan sý qaıyqty aýdaryp, kem degende alty adamnyń qaza tapqanyn habarlaǵan bolatyn.
Sońǵy ýaqytta Koreı jarty aralynda bolǵan nóser jańbyr saldarynan Ońtústik Koreıanyń 16 turǵyny opat boldy. 1,6 myń azamat qaýipsiz aýmaqqa kóshirildi. 5 myń ǵımarat qırap, 8 myń aýyl sharýashylyǵyna jaramdy jer sý astynda qalǵan.
