Ońtústik Koreıada koronavırýstyń órshýine baılanysty parlament jumysyn toqtatady
SEÝL. Kıodo-QazAqparat – Ońtústik Koreıada koronavırýs jaǵdaıynyń qaıta órshýi eldegi basqarý júıesine áser ete bastady. Beısenbide parlament jabylyp, bıleýshi partııanyń keıbir qyzmetkerleri úıdegi karantınge alyndy, dep habarlaıdy QazAqparat Kıodo agenttigine silteme jasap.
Bir kún buryn Koreıanyń basqarýshy demokratııalyq partııasynyń joǵary laýazymdy tulǵalarynyń Ulttyq jınalysta kezdesýi ótken bolatyn. Sol kezdesýden keıin jergilikti reporter vırýsqa oń nátıje kórsetip, atalmysh sharalar qabyldandy. Parlament ǵımaraty men depýtattardyń kabınetteri dezınfektsııalanǵandyqtan, beısenbige josparlanǵan birneshe parlament otyrysy men bıleýshi jáne oppozıtsııalyq depýtattar arasyndaǵy kezdesýler toqtatyldy.
Reporterdiń kem degende 50 adammen, onyń ishinde spıker Pak Ben Seg jáne bıleýshi partııanyń basqa da depýtattarymen baılanysqany anyqtaldy.
Bul jaǵdaı bir palataly zań shyǵarý jınalysynyń kúzge arnalǵan 300 oryndyq jumys kestesin keıinge qaldyrýǵa týra kelýi múmkin degen alańdaýshylyq týdyryp otyr, dep habarlaıdy Yonhap agenttigi.
Aıta ketsek, bıliktegi partııanyń kóshbasshylyǵy úshin básekelerdi senbi kúni onlaın ótkizý josparlanǵan bolatyn.
Ońtústik Koreıa beısenbi kúni vırýs juqtyrýdyń 441 jańa jaǵdaıy týraly habarlady. Bul – naýryzdan bergi eń kóp ósim. Vırýs órship turǵan Seýlde aýrýdyń 154 jaǵdaıy tirkeldi. Koreıa astanasy úshin bul koronavırýs indeti kezindegi eń kóp kórsetkish.
