Ońtústik Koreıada koronavırýsty juqtyrýdyń jańa 438 jaǵdaıy tirkeldi
SEÝL. YONHAP – QazAqparat – Ońtústik Koreıa 438 adamnyń koronavırýs juqtyrǵanyn habarlady. Elde aýrý juqtyrǵandardyń jalpy sany 5766 adamǵa jetti. Aýyrǵandardyń basym bóligi ońtústik-shyǵystaǵy Tegý qalasynda – vırýstyń oshaǵynda ornalasqan, dep habarlaıdy QazAqparat Yonhap agenttigine silteme jasap.
Koreıa aýrýlardy baqylaý jáne aldyn alý ortalyǵynyń málimetinshe, ótken jyldyń aıaǵynda Qytaıda paıda bolǵan respıratorly vırýstan Ońtústik Koreıada sozylmaly aýrýy bar 35 adam kóz jumǵan.
Naýqastardyń 60 protsenti Tegýdaǵy Sınchhondjı (Shincheonji) dinı sektasynyń bólimimen baılanysta bolǵan. Tegý qalasy eldegi úlkendigi boıynsha tórtinshi qala, turǵyndar sany – 2,5 mln adam.
Koreıa aýrýlardy baqylaý jáne aldyn alý ortalyǵynyń deregi boıynsha, sársenbi kúni anyqtalǵan 438 jaǵdaıdyń 320-sy Tegýde, 87-si – kórshi Soltústik Kensando provıntsııasynda tirkelgen.
Seýlde de tórt adamnyń aýrý juqtyrǵany habarlandy.
Eldiń syrtqy ister mınıstrligi beısenbi kúni 96 memleket pen aýmaqtyń kirýge shekteý engizetinin nemese Ońtústik Koreıa turǵyndaryna karantın rejımin qatańdatatynyn málim etti, dep habarlaıdy Yonhap.
