Ońtústik Koreıada koronavırýstan tórtinshi adam qaıtys boldy
SEÝL. QazAqparat – Jeksenbi kúni Ońtústik Koreıa jańa koronavırýstan tórtinshi adamnyń qaıtys bolǵanyn jáne 123 adamnyń juqtyrǵanyn habarlady.
Osylaısha, dıagnozy rastalǵan adamdar sany 556-ǵa jetti, dep habarlaıdy QazAqparat YONHAP NEWS AGENCY-ge silteme jasap.
Tórt adamnyń úsheýi ońtústik-shyǵystaǵy Chhondo qalasynda Daenam aýrýhanasynda bolǵan. Sol jerde vırýstan alǵash ret qaıtys bolǵan adam tirkeldi. Keıinirek 110 adamnyń aýrý juqtyrǵany, sonyń ishinde toǵyz adamnyń medıtsına qyzmetkeri bolǵany anyqtaldy.
Koreıanyń aýrýdy baqylaý jáne aldyn alý ortalyǵynyń (KCDC) málimetinshe, 123 adamnyń 75-i ońtústik-shyǵystaǵy Tegý qalasynda Sınchhondjı shirkeýindegi dindar adamdarmen baılanysta bolǵan.
KCDC sektanyń 9000 múshesiniń karantınge ornalasqanyn málim etti. Jeksenbi kúni tańerteńgi jaǵdaı boıynsha, Ońtútik Koreıada 18 naýqas tolyqtaı aıyqqan.
Eske salaıyq, juma kúni Ońtústik Koreıa Tegý qalasy men oǵan jaqyn ornalasqan Chhondo okrýgin «erekshe baqylaý aımaǵy» dep jarııalady.
Raýshan Qońyrbaeva
