Ońtústik Koreıada koronavırýstan taǵy bir adam kóz jumdy
ASTANA. QazAqparat - Ońtústik Koreıa eliniń densaýlyq saqtaý mınıstrligi taıaýshyǵystyq respıratorlyq sındromy (MERS) koronavırýsynan taǵy bir adamnyń qaıtys bolǵany týraly habarlady, dep aqparattandyrady polit.ru.
Endi, resmı málimetterge sáıkes, qaıtys bolǵandardyń jalpy sany on adam bolyp tur, al bul dertke shaldyqqandar sany 126 adamǵa jetti.
Taıaýshyǵystyq respıratorlyq sındromy (MERS) koronavırýsynyń erte kezeńderi erekshe belgilersiz ótedi. Ázirge bul dertke qarsy vaktsına da, dárilik zattar da bolmaýda.
Dúnıejúzilik densaýlyq saqtaý uıymynyń málimetterinshe, álemde bul vırýsty juqtyryp alýdyń 1218 oqıǵasy tirkelgen, sonyń saldarynan 449 adam mert boldy.
