Ońtústik Koreıada koronavırýstan qurban bolǵandar sany 20 adamǵa jetti
ASTANA. QazAqparat - Ońtústik Koreıada Taıaýshyǵystyq respıratorlyq sındromy koronavırýsynan (TShRS-KoV/ MERS) qurban bolǵandardyń sany 20 adamǵa jetti, dep habarlady eldiń densaýlyq saqtaý mınıstrligine silteme jasaǵan Renhap agenttigi.
Buǵan deıin kóz jumǵan 19 adam men aýrýdy juqtyrǵan 162 adam týraly habarlanǵan edi.
6,5 myń adamǵa karantın rejimi belgilengen, dep habarlaıdy RIA «Novostı» .
Dertke shaldyqqandardyń jartysyna jýyǵybult dertti onyń birinshi oqıǵalary tirkelgen Seýldiń Samsung medıtsınalyq ortalyǵynda (Seoul Samsung Medical Center) juqtyryp aldy. Onyń taralýynyń negizgi sebebi - vırýstyń alǵashqy naýqastanǵandardan dárigerler men aýrýhana patsıentterine juǵýyn aldyn alý sharalarynyń jetkiliksiz bolýy. Buǵan deıin vırýsty bul medıtsınalyq mekemeniń jedel járdem qyzmetiniń júrgizýshisi de juqtyryp alǵany, biraq aýrýdyń alǵashqy belgileriniń paıda bolýyna qaramastan óz jumysyn toqtatpaǵany habarlanǵan.
El úkimeti Densaýlyq saqtaý mınıstrliginiń aýrýdy juqtyrýdyń barlyq oqıǵalary medıtsınalyq mekemelerde birinshi naýqastanǵandardy oqshaýlaý boıynsha ýaqtyly qabyldanbaǵan sharalardyń saldarynan boldy dep eseptegendikten, TShRS-KoV/MERS vırýsyn juqtyryp alǵan adamdar emdelgen 84 aýrýhananyń tizimin jarııalady. Alaıda demalys kúnderi juqtyrýdyń medıtsınalyq mekemeden tys jerde bolǵan oqıǵasy týraly habarlama kelip túsken, bul indettiń odan da kóp taralý qaýpin týdyryp otyr.
Taıaýshyǵystyq respıratorlyq sındromy (MERS) koronavırýsynyń erte kezeńderi erekshe belgilersiz ótedi. Ázirge bul dertke qarsy vaktsına da, dárilik zattar da bolmaýda.
