Ońtústik Koreıada koronavırýs juqtyrǵandar sany 7 513 adamǵa jetti
SEÝL. QazAqparat – Seısenbi kúni ońtústik Koreıa koronavırýs juqtyrǵan 131 jańa jańdaı týraly habarlady.
Elde vırýs juqtyrǵandardyń jalpy sany 7 513 adamǵa jetti, dep habarlaıdy QazAqparat Yonhap agenttigine silteme jasap.
Koreıa aýrýdy baqylaý jáne aldyn alý ortalyǵynyń (KCDC) málimetine sáıkes, qazirgi ýaqytta 54 adam ótken jyldyń sońynda Qytaıda paıda bolǵan respıratorlyq vırýstan kóz jumdy. Qaıtys bolǵandardyń kóbi – sozylmaly aýrýmen aýyrǵan egde jastaǵy patsıentter.
Rastalǵan jaǵdaılardyń 63 paıyzǵa jýyǵy 2,5 mıllıon halyq turatyn, úlkendigi jóninen eldiń tórtinshi qalasy Tegýdaǵy Sınchhondjı (Shincheonji) dinı sektasynyń fılıalymen baılanysty.
Jańadan vırýs juqtyrý qarqyny sońǵy ýaqytta birshama báseńsidi. Bul densaýlyq saqtaý organdarynyń vırýstyń taralý ortalyǵynda ornalasqan 210 000 Sınchhondjı baǵytyn ustanýshylardy jappaı tekserýdi aıaqtady.
Bılik vırýstyń jańa oshaǵynyń paıda bolýyna áli de alańdaýly ekenin atap ótken.
Koreıa aýrýdy baqylaý jáne aldyn alý ortalyǵynyń (KCDC) málimetinshe, keshe anyqtalǵan 131 jańa jaǵdaıdyń 92-si Tegýda, 10-y kórshiles Soltústik Kensando provıntsııasynda tirkelgen. Tegýda aýrý juqtyrǵandardyń jalpy sany - 5 663, Soltústik Kensandoda 1 117 adamǵa jetti.
Sondaı-aq Seýlde vırýs juqtyrǵan 11 jańa jaǵdaı týraly habarlandy.
