Ońtústik Koreıada koronavırýs dertin juqtyrǵandar sany 87-ge jetti
ASTANA. QazAqparat - Ońtústik Koreıa bıligi taıaý shyǵystyq respıratorlyq sındromdy (MERS) juqtyrǵan taǵy 23 adamdy anyqtady. Osylaısha, aýrýdy juqtyrǵandar sany 87-ge jetti, dep habarlady Bloomberg agenttigine silteme jasap RBK.
23 faktiniń 17-si Seýlde alǵashqy osy vırýsty juqtyrǵan adam tirkelgen jedel kómek stansasynda anyqtaldy.
Budan buryn Ońtústik Koreıa bıligi MERS vırýsynan 5 adamnyń qaza tapqanyn habarlaǵan. Taıaý shyǵystyq respıratorlyq sındrom (Middle East Respiratory Syndrome, MERS) - Betacoronavirus tekti vırýstyń jańa túri týdyrǵan tynys alý músheleriniń qabynyp aýrýy. Alǵash bul aýrýdy juqtyrý jaǵdaıy 2012 jyly Saýd Arabııasynda tirkeldi. 2015 jyly jazda aýrýdy juqtyrý faktisi 23 elde - Saýd Arabııasy, Iemen, Birikken Arab Ámirligi, Frantsııa, Germanııa, Italııa, Grekııa, Týnıs, Mysyr, Malaızııa, Ońtústik Koreıa tárizdi jáne t.s.s. elderde tirkeldi. 2015 jylǵy 1 maýsymdaǵy jaǵdaı boıynsha aýrýdy 1154 adam juqtyrǵan, onyń 431-i ólimmen aıaqtalǵan.
