Ońtústik Koreıada kezekten tys prezıdent saılaýy 9 mamyrǵa belgilendi
ASTANA. QazAqparat - 2017 jyldyń 9 mamyr kúni Ońtústik Koreıada prezıdent saılaýy ótedi, dep habarlaıdy TASS agenttigi Kyodo agenttigine silteme jasap.
Ońtústik Koreıanyń ishki ister mınıstri Hon ıÝn Sık Ońtústik Koreıa Úkimeti kezekten tys prezıdent saılaýyn 9 mamyr kúni ótkizý týraly sheshim qabyldaǵanyn málimdedi.
Eske sala keteıik, 9 jeltoqsanda Ońtústik Koreıa parlamenti prezıdent Pak Kyn Heni qyzmetinen bosatýdy qoldap, daýys berdi. Araǵa 10 kún salyp, osy iske qatysty alǵashqy sot otyrysy ótti. Konstıtýtsııalyq sot ımpıchmentti quptady.
Ońtústik Koreıa basshysynyń aınalasyndaǵy daý-janjal onyń memlekettik qyzmetke qatysy joq qurbysy Chhve Sýn Sılmen baılanysty. Bul onyń memlekettik saıasatqa yqpal etetindigin bildiredi. Budan basqa, Chhve iri ońtústikkoreıalyq korporatsııalardan qarjy alyp, óziniń kommertsııalyq emes qorlaryna aýdardy degen kúdikke ilingen. Prokýratýra prezıdenttiń bul qylmystyq áreketke qatysy bar dep esepteıdi.
