Ońtústik Koreıada Qazaqstan kásipkerleriniń alǵashqy qaýymdastyǵy paıda boldy
Odaqtyń prezıdenti – Janádil Taldybaev. Ol Koreıaǵa 2015 jyly barǵan. Seýlde oqyp júrgeninde medıtsınalyq týrızm platformasyn qurǵan. Kásipkerdiń ekinshi jobasy balalarǵa kompıýterlik baǵdarlamalaýdy úıretýge arnalǵan mobıldi qosymsha. Ony qazirdiń ózinde birneshe koreı jáne 100-den astam qazaq mektebi paıdalanady.
Qazir bul bıznes 10 mıllıon dollarǵa baǵalandy. Bıznes-klýb músheleri óz jobalaryn ázirleýde bir-birine kómektesip, tanymal qazaqstandyq kásipkerlerdiń trenıngterine qatysa alady. Sonymen qatar, koreı tilin tegin úırenedi.
«Ónimdi jiberetin kásipkerler logıstıkaǵa koreı kompanııalaryn qoldanady. Al ol bolsa óte qymbat shyǵýy múmkin. Jáne tek logıstıkamen aınalysatyn bizdiń Qazaqstan azamattary da bar. Olar ózderiniń aqysyn koreı kompanııalaryna qaraǵanda tómen alady. Sol eki kásipkerlerdi biriktirý arqyly tıimdi qaýymdastyq jasaýǵa bolady», - deıdi Qazaq union bıznes klýbynyń prezıdenti Janádil Taldybaev.
