Ońtústik Koreıada Qazaqstan azamattarynyń quqyǵyn qorǵaý máselesi qaralady

ASTANA. QazAqparat – 2023 jylǵy 26 sáýirde Seýl qalasynda Qazaqstan Respýblıkasy men Koreıa Respýblıkasynyń syrtqy saıası vedomstvolary arasynda konsýldyq konsýltatsııalardyń 7-shi raýndy ótedi. Bul týraly Syrtqy ister mınıstrliginiń resmı ókili Aıbek Smadııarov málim etti, dep habarlaıdy QazAqparat tilshisi.

«Atalǵan is-sharada Ońtústik Koreıadaǵy Qazaqstan azamattarynyń quqyqtary men múddelerin qorǵaý, sonyń ishinde bizdiń azamattarymyz úshin eńbek ruqsattary júıesin qurý máselelerin talqylaý josparlanǵan», - dedi A. Smadııarov elordada ótken baspasóz máslıhatynda.

Sonymen qatar QR Úkimeti men Koreıa Respýblıkasynyń Úkimeti arasyndaǵy Qazaqstan azamattary sanalatyn eńbekshi-mıgranttardyń eńbek qyzmeti jáne olardyń quqyǵyn qorǵaý týraly kelisimniń jobasy qaralmaq.

Budan buryn habarlanǵandaı, jaqynda Ońtústik Koreıaǵa zańsyz kirdi dep kúdikke ilingen Qazaqstannyń eki azamatynyń isi sotqa joldandy.