Ońtústik Koreıada qatań áleýmettik qashyqtyq rejımi uzartyldy

SEÝL. YONHAP – QazAqparat – Ońtústik Koreıa óziniń áleýmettik alystatý sharalaryn taǵy eki aptaǵa uzartady, dep habarlaıdy QazAqparat YONHAP agenttigine silteme jasap.

Buǵan elde Covid-19 vırýsynyń kezdeısoq klasterlik ınfektsııasynyń tarala bastaýy sebep bolyp otyr.

«Úkimet 14 naýryzda aıaqtalatyn áleýmettik qashyqtyqty saqtaýdy taǵy eki aptaǵa uzartady», - dedi premer-mınıstr Chýng Se Kýn Seýldegi COVID-19-ǵa qarsy kezekti kezdesýde.

Eldiń 52 mıllıon halqynyń jartysyna jýyǵy turatyn Seýldiń basym aýmaǵy 2-shi, al qalǵan bóligi kelesi aptadan bastap taǵy eki apta boıy 1,5 deńgeıde bolady.