Ońtústik Koreıada qarttar úıindegi órt kezinde eki adam mert bolyp, 47-si zardap shekti
KIMPHO. RENHAP-QazAqparat – Ońtústik Koreıada Seýl qalasynyń batysynda ornalasqan Kımpho qalasynda qarttar úıinde órt shyǵyp, saldarynan eki egde jastaǵy adam qaza tapty jáne 47-si zardap shekti, dep habarlaıdy QazAqparat Renhap agenttigine silteme jasap.
Bes qabatty ǵımarattaǵy órt seısenbi kúni tańerteń saǵat 9:03-te bastalǵan. Órt tutanǵanda ǵımaratta 130 adam bolǵan. Zardap shekkenderdiń ishinde alty adam aýyr halde jatyr. Olardyń barlyǵynda gazdan ýlaný belgileri anyqtaldy. Barlyq patsıentter ǵımarattan evakýatsııalandy.
Órt tórtinshi qabattaǵy boıler ǵımaratynan tutanǵan.
«Qazandyqtaǵy tútin naýqastardyń bólmeleri men osy qabattaǵy ıntensıvti terapııa bólimine taraǵan», - dedi Kımpho órt sóndirý stansasynyń ókili Von Djýn hı (Won Joon-hee).
Qaza tapqan eki adam ıntensıvti terapııa bóliminde jatqan. Zardap shekken 47 naýqas qazirgi ýaqytta jaqyn mańdaǵy 11 aýrýhanada em alyp jatyr. Qarttar úıi ǵımarattyń úshinshi jáne tórtinshi qabatynda ornalasqan.
