Ońtústik Koreıada halyq sany azaıa bastaıdy – VVS
NUR-SULTAN. QazAqparat - Ońtústik Koreıada halyq jyldam qartaıyp jatyr. Memlekette týý kórsetkishi tómen jáne jastar kesh otaý qurady. Bul atalǵan memlekette úlken problema týǵyzyp otyr, dep jazady VVS.
Basylymnyń habarlaýynsha, ekonomıkalyq ózgeristerge ushyraǵan memleketter tek qarjy jaǵynan emes, halyq sanaǵy janynan da problemalarǵa tap bolady.
«Jyldam ındýstralızatsııadan Ońtústik Koreıa sońǵy jyldary jyldam damydy. Búgingi tańda bul memlekettiń ekonomıkasy 1,6 trıllıon dollarǵa baǵalanǵan. Bul álem boıynsha Qytaı, Japonııa, Úndistannan soń tórtinshi orynda tur. Osylaısha memlekette demografııalyq paradoks paıda boldy», dep jazady avtor.
Onyń aıtýynsha, ońtústikkoreıalyq áıelderde ortasha eseppen 1,1 bala bar. Bul basqa memleketterdegi derekterden tómen. Álemde bul kórsetkish ortasha eseppen 2,5 balany quraıdy. Mamandar bul zalyq sanyna tikeleı áser etetin faktor ekenin aıtty.
«Qazirgi tańda Ońtústik Koreıada sampo atty áleýmettik fenomen keń taraǵan. Bul sampo urpaq qarym-qatynastan, nekeden, baladan bas tartqan. Sonymen qatar Ońtústik Koreıa halqy álem boıynsha eń uzaq ómir súretin halyqtar qatarynda. Jahanda ortasha ómir súrý jasy 72 jas bolsa, Ońtústik Koreıada erlerge 79, áıelderge 85 jasty quraıdy», dep jazady basylym. BUU drekterine sensek, bıylǵy jyldyń sońynda Ońtústik Koreıada týǵan balalar 92 jasqa deıin ómir súretin bolady.
«Bul paradoks Ońtústik Koreıa halqynyń sany azaıa bastaıtynyn kórsetedi. BUU boljamyna sensek, halyq sany 2024 jyldan bastap azaıatyn bolady. Sonymen qatar 2100 jyly Ońtústik KOreıa halqynyń sany 1966 jylmen teńesip, 29 mıllıon adamǵa jetedi.
