Ońtústik Koreıada ǵımarat opyrylyp, 9 adam mert boldy
KVANDJÝ. QazAqparat – Ońtústik Koreıanyń soltústik-shyǵysyndaǵy Kvandjý qalasynda ǵımarat buzý kezinde opyrylyp qulap, toǵyz adam qaza tapty, segiz adam aýyr jaraqat aldy, dep habarlaıdy QazAqparat Yonhap agenttigine silteme jasap.
Ońtústik Koreıanyń Kvandjý qalasyndaǵy bes qabatty ǵımarattyń qulaýy týraly habarlama jergilikti ýaqyt boıynsha 16:22-de kelip túsken. Oqıǵa saldarynan qurylys alańynyń janynda turǵan jolaýshylar avtobýsy úıindi astynda qalǵan.
Ǵımarattyń qulaýy saldarynan toǵyz adam qaza tapqan, aýyr jaraqat alǵan segiz adam jaqyn mańdaǵy aýrýhanalarǵa jetkizilgeni habarlandy. Zardap shekkenderdiń barlyǵy – avtobýs jolaýshylary.
Bastapqyda avtobýsta on eki adam bolǵan dep boljanǵan.
Ǵımarat úıindileriniń astynda eki avtokólik bolýy múmkin dep habarlanǵan, biraq vıdeodan olar apat ornynan áreń qashyp shyqqany belgili boldy.
Qulaǵan ǵımarat mańyndaǵy qurylys alańyna qarama-qarsy dúkenniń ıesi ıAng Ik-chje (Yang Ik-je) syrtqa shyqqannan keıin ol jerdiń dirildegenin sezgenin aıtty.
«Jol qalyń tuman basqandaı kórinbeı qaldy», - dedi ol.
Ǵımarat avtobýsqa opyrylyp túskeni kórsetilgen baqylaý kameralaryndaǵy vıdeony teksergennen keıin dúken ıesi oqıǵa týraly dereý bılikke habarlaǵan.
Qutqarýshylar izdestirý jumystaryn júrgizýde.
Apattyń sebebi áli belgisiz.
