Ońtústik Koreıada bir táýlikte 142 adam koronavırýs juqtyrdy
SEÝL. QazAqparat – 22 aqpan kúni Ońtústik Koreıa sońǵy táýlikte 142 koronavırýs juqtyrý oqıǵasyn tirkegenin málim etti, dep habarlaıdy QazAqparat YONHAP NEWS AGENCY-ge silteme jasap.
Osylaısha elde koronavırýs juqtyrǵandardyń jalpy sany 346-ǵa jetti. Sońǵy kúnderi COVID-19 juqtyrý oqıǵalary artyp ketti jáne olardyń kópshiligi Chhonda ońtústik-shyǵys aýrýhanasy men ońtústik-shyǵystaǵy Tegý shaǵyn qalasynda tirkeldi.
Koreıanyń aýrýlardy baqylaý jáne aldyn alý ortalyqtary 142 jańa oqıǵanyń 92-i Chhondodaǵy Daenam emhanasymen baılanysty ekenin habarlady. Osy emhanada jańa vırýstan Ońtústik Koreıadaǵy alǵashqy adam qaza tapqan.
Juma kúni Daenam aýrýhanasynda COVID-19-dan ekinshi naýqas qaıtys boldy.
Qazirgi kúni aýrýhanada 108 vırýs juqtyrý oqıǵasy tirkelgen.
Qoǵamdyq densaýlyq saqtaý agenttiginiń habarlaýynsha, 38 naýqastyń Seýlden ońtústik-shyǵysqa qaraı 300 km jerdegi Tegý qalasy men kórshiles Soltústik Kensan provıntsııasynda ornalasqan Sınchhondjı degen atpen tanymal hrıstıandyq sektaǵa qatysy bar.
Bılik ókilderi Tegý qalasynyń turǵyndaryna (onda 2,5 mıllıon turǵyn bar) úıde bolyp, asa qajettilik bolmasa eshqaıda shyqpaýǵa keńes berdi. Sol aralyqta, juma kúni kórshiles Chhondo «erekshe basqarý aımaǵy» dep jarııalandy. El astanasy Seýlde qala ortalyǵynda demonstratsııaǵa tyıym salyndy.
Qazirgi ýaqytta indet juqtyrǵan 170 naýqas shirkeýge barǵany belgili boldy.
KCDC habarlaýynsha, Sınchhondjı sektasynyń 9 336 múshesi karantınge jatqyzyldy. Olardyń ishinde 544 adam adam vırýsqa tekserýden ótip jatyr.
Іndet el ishine tez tarap jatqandyqtan Densaýlyq saqtaý organdary koronavırýsty ustap turý úshin qosymsha shara qoldanýǵa ýáde berdi.
Raýshan Qońyrbaeva
