Ońtústik Koreıada bir kúnde 400 myń adam vırýs juqtyrǵan

SEÝL. YONHAP-QazAqparat – Sársenbi kúni Ońtústik Koreıada koronavırýs juqtyrǵandar sany 400 myńnan asty, dep habarlaıdy QazAqparat YONHAP agenttigine silteme jasap.

Koreıanyń Aýrýlardy baqylaý jáne aldyn alý agenttiginiń (KDCA) derekterine saı, elde kúndelikti 400 741 juqtyrý jaǵdaıy tirkelip jatyr, olardyń basym bóligi – jergilikti. Jalpy elde vırýs juqtyrǵandar qatary 7 629 275-ke jetti.

Bul – 2020 jyldyń 20 qańtarynan (sol kúni eldi birinshi juqtyrý jaǵdaıy tirkelgen) bergi eń joǵary kórsetkish. Beısenbi kúni atalǵan kórsetkish 383 659 bolǵan. Onyń aldyndaǵy antırekord ótken senbi kúni tirkelgen – 383 659 adamnan vırýs anyqtalǵan.

COVID-19-dan kóz jumǵandar sany 164-ten 11 052-ge deıin ósti, degenmen ólim úlesi – 0,14%.

Jaǵdaıy aýyr naýqastardyń sany 1 244-ke jetti, aldyńǵy kúnge qaraǵanda 48-ge kóp.

Omıkron shtamynyń tez taralyp jatqanyna qaramastan, el úkimeti qalypty tirshilikke oralý úshin baryn salyp jatyr.