Ońtústik Koreıada batyp ketken «Sevol» kemesi ıesiniń 72 jasar zaıyby tutqyndaldy
ASTANA. QazAqparat - Ońtústik Koreıanyń polıtsııasy sáýirdiń ortasynda batyp ketken «Sevol» kemesiniń qashyp ketken ıesiniń zaıybyn ustady, dep habarlady RIA.
Áıel Seýl qalasynyń mańyndaǵy óz úıinde ustaldy. Polıtsııa 72 jasar Kvon En Chja qashyp júrgen mıllıarder ıÝ Ben Ynany izdestirý jáne tutqyndaýǵa kómektesetin derekterdi biledi dep sanaıdy. Onyń qaıda ekenin aıtqan adamǵa úkimet 500 mıllon von (490 myń dollar) syıaqy berýge ýáde berdi.
ıÝ Ben Yn bóten múlikti paıdalanǵany jáne salyq tóleýden jaltarǵany úshin aıyptalýda. Bıznesmen «Sevolǵa» tıesili «Chonhechjın» operator kompanııasynyń aktsııalaryn ıemdenbegen. Alaıda kúdikti kásipkerdiń týysqandary «Chonhechjındi» holdıngtik kompanııanyń kúrdeli jelisi arqyly baqylap otyr.
Budan buryn habarlanǵandaı, «Sevol» operatory kompanııasynyń bas dırektory Kım Han-Sıkıs sot tyńdaýy barysynda apatqa abaısyzdyq sebep boldy degen aıyppen kelispedi.
Prokýratýra «Chonhechjın» kompanııasy tabysyn arttyrý úshin jóndeýden keıin kemeniń jaǵdaıy máz emes ekenin bile tura, oǵan artyq júk artqan. Keıinnen teńizde júzý zańdaryn buzǵany týraly aıyp taǵylǵan keme ekıpajynyń músheleri qaza tapqan jolaýshylar jaýapkershiligin tanýdan bas tartqan bolatyn.
