Ońtústik Koreıada balyq aýlaýdan «qysqy Olımpıada» ótkizildi
ASTANA. QazAqparat - Phenchhan qalasynda aqpanda ótetin qysqy Olımpıada oıyndary aldynda Ońtústik Koreıanyń soltústiginde, Hvachhon ýezinde balyq aýlaýdan ózindik qysqy Olımpıada ótkizildi, dep habarlaıdy euronews.
Festıvalge álemniń túkpir-túkpirinen qatysýǵa nemese kórýge 130 myńnan astam adam jınalǵan. 60-tan astam baǵdarlamanyń ishindegi eń bastysy muz astynda balyq aýlaý boldy. Olardyń ishinde jurtqa tańsyq ári qyzyqty túri - basseınde jalańash qolmen balyq aýlaý da bar. Ustap alǵan balyqty sol jerde pisirip jeýge de bolady. Sondaı-aq festıval ótkiziletin jerde balyqqumarlar úshin arnaıy qaqtama ázirlengen.
