Ońtústik Koreıada balany qaǵyp ketken qazaqstandyq advokatyn aýystyrady
NUR-SULTAN. QazAqparat - Balany kóligimen qaǵyp ketken qazaqstandyq azamat advokatyn aýystyrady. Bul týraly QR SІM resmı ókili Aıbek Smadııarov brıfıngte aıtty, dep habarlaıdy QazAqparat tilshisi.
«Jaqyn arada Qazaqstan konsýly tergeý amaldary qalaı júrip jatqanyn anyqtaıdy. Ol Qazaqstan azamatyna birneshe ret baryp qaıtty. Qazaqstandyq azamattyń tergeý amaldaryna qatysty shaǵymy joq. Bizge belgilisi - ol qazir advokatyn jeke menshik advokatqa aýystyrýda.
Ol bulaı etýge quqyly. Buǵan deıin onda Koreıa tarapynan usynylǵan advokat bolǵan», - deıdi Aıbek Smadııarov.
Eske sala ketsek, 16 qazan kúni qazaqstandyq azamat Ońtústik Koreıada balany kóligimen qaǵyp ketken bolatyn. Ol bul memlekette bir jyldam astam ýaqyt boıy zańsyz turyp kelgen. Búgingi tańda Chanvon qalasyndaǵy tergeý ızolıatorynda jatyr.
Sondaı-aq, Ońtústik Koreıada kóligimen balany qaǵyp ketken qazaqstandyq azamatqa birneshe aıyp taǵylǵan bolatyn.
