Ońtústik Koreıada balalardy qorǵaý kúni 100 jyldan beri atalyp ótiledi

NUR-SULTAN. QazAqparat – Elordadaǵy Koreı mádenı ortalyǵy Koreıadaǵy balalardy qorǵaý kúniniń atalyp ótilýine 100 jyl tolý merekecine oraı shara ótkizdi, dep habarlaıdy QazAqparat.

Bul shara Koreıa táýelsizdigi úshin kúreskenderdiń urpaqtary qaýymdastyǵymen birlesip uıymdastyryldy. Bul qaýymdastyq osydan 85 jyl buryn Ortalyq Azııaǵa kúshpen kóshirilgen káristerdiń rýhyna arnalyp qurylǵan.

Oflaın uıymdastyrylǵan sharaǵa Koreı táýelsizdigi úshin kúreskenderdiń urpaqtary qatysty. Olarǵa koreıdiń mol mádenıeti men ashanasy týraly jan-jaqty aqparat berildi.

«Bıyl Qazaqstan men Koreıa Respýblıkasynyń dıplomatııalyq qarym-qatynas ornatqanyna 30 jyl tolyp otyr. Bizdiń mádenı ortalyq qazaqstandyqtardy Koreıa men koreı mádenıetin tanyp bilýge ashylǵan tereze ispetti bolyp otyr», - dedi atalǵan uıymnyń dırektory Lı Heran shara barysynda.

Aıta ketsek, Qazaqstandaǵy Koreıa elshiligi janynnan jumys jasaıtyn elordadaǵy Koreı mádenıet ortalyǵy Ortalyq Azııada jalǵyz uıym.