Ońtústik Koreıada bala týý kórsetkishi álemdegi eń tómengi deńgeıdi kórsetti
SEÝL. YONHAP-QazAqparat – Álemdegi bala týý kórsetkishiniń eń tómengi deńgeıi Ońtústik Koreıanyń enshisinde, esesine bul elde qart turǵyndar sany jyldam ósýde, dep habarlaıdy QazAqparat YONHAP agenttigine silteme jasap.
BUU-nyń Halyqty qonystandyrý qorynyń (ıÝNFPA) esebine sáıkes, 2021 jyly eldiń bir áıelge shaqqandaǵy jalpy týý koeffıtsıenti 1,1-di qurap, ótken jylmen salystyrǵanda ózgerissiz qalǵan.
Ońtústik Koreıadaǵy bul kórsetkish barlyq zerttelgen 198 eldiń ishindegi eń tómeni.
«Elde týý deńgeıi tómen jáne halyqtyń tez qartaıý protsesi jalǵasýda, 0-14 jas aralyǵyndaǵy halyqtyń úlesi 12,3 paıyzdy qurady, bul Japonııanyń kórsetkishine sáıkes keledi jáne álemdik ortasha kórsetkishtiń jartysyna jýyǵyn quraıdy, 25,3 paıyzǵa teń», - delingen ıÝNFPA esebinde.
Jyldyq esep boıynsha, 65 jastan asqan adamdardyń úlesi Ońtústik Koreıanyń jalpy halqynyń 16,6 paıyzyn qurady, bul bir jyl burynǵy 15,8 paıyzdan kúrt óskendikti kórsetedi.
Qazirgi ýaqytta Ońtústik Koreıadaǵy halyq sany 51,3 mıllıon adam, al Soltústik Koreıada - 25,9 mıllıon.
