Ońtústik Koreıada aptap ystyqtan qaza tapqandar sany 23-ke jetti

ASTANA. QazAqparat – Ońtústik Koreıada osy jazda aptap ystyqtan qaza tapqandar sany 23-ke jetti. Bılik ókilderiniń málimdeýinshe, bul byltyrǵy jylmen salystyrǵanda úsh ese kóp, dep habarlaıdy QazAqparat Ońtústik Koreıanyń Renhap agenttigine silteme jasap.
None

Órt sóndirýshilerdiń sózinshe, 20 mamyrdan shildeniń sońyna deıin ystyqqa baılanysty aýrýlardan 21 adam qaıtys bolsa, seısenbi kúni taǵy eki adamnyń ólimi tirkeldi.

Qaza tapqandar sany byltyrǵy jylmen salystyrǵanda úsh ese kóp.

Seýlden ońtústik-shyǵysqa qaraı 243 shaqyrym jerdegi Ionchhonda 70 jastaǵy fermer kún astynda jumys istep, esten tanyp qaıtys boldy. Taǵy bir 80 jastaǵy fermer Seýlden 217 shaqyrym jerdegi Chonypte dalada jumys istep júrip, dene qyzýy kóterilgen. Ony aýrýhanaǵa jetkizgenimen, aman alyp qala almady.

Ońtústik Koreıanyń ońtústik-batys jaǵalaýyndaǵy qalpyna keltirilgen Semangym aımaǵynda ótip jatqan skaýttardyń 25-shi Dúnıejúzilik sletinde aptap ystyqqa baılanysty 400 adamnyń syrqattanǵany aıtyldy. Qazirgi ýaqytta dúnıejúzilik is-sharaǵa 158 eldiń 43 000-ǵa jýyq jas skaýty qatysyp jatyr.

Jaqynda úkimet tórt jyl ishinde alǵash ret ystyq týraly eskertý dárejesin tórt kezeńdi júıeniń eń joǵarǵysyna deıin kóterdi.

Mundaı qaýip deńgeıi kúndizgi temperatýra eldiń kóp bóliginde 35 gradýs jáne odan da joǵary bolǵanda engiziledi. Al Koreıada úsh kúnnen beri aýa temperatýrasy 38 S-tan túspeı tur.


Сейчас читают