Ońtústik Koreıada ammıakpen júretin avtomobıl jasaldy
ASTANA. 29 mamyr. QazAqparat - Seısenbi kúni, 28 mamyrda Koreıa energetıkalyq zertteýler ınstıtýty (KIER) ammıakpen jumys jasaıtyn avtomobıldi tanystyrdy, dep habarlady «Motor» basylymy ońtústikkoreıalyq Yonhap agenttigine silteme jasap.
Avtomobıl (qaı óndirýshiniń modeli paıdalanylǵany naqtylanbaǵan) tıisinshe 70 te 30 paıyz proportsııadaǵy ammıak pen benzın qospasymen júredi. KIER jasaýshylarynyń aıtýynsha, mashına aýaǵa CO2 shyǵaryndylarynyń deńgeıin 70 protsentke azaıtýǵa múmkindik beredi. Sonymen birge ammıak otynnyń janýy kezinde parnıktik gaz bólip shyǵarmaıdy.
Ǵalymdar eger Ońtústik Koreıadaǵy barlyq avtomobılderdiń 20 paıyzyna osyndaı otyn quısa, elde zııandy shyǵaryndylar shamamen 15 paıyzǵa nemese jylyna 10 mıllıon tonnaǵa tómendeıdi dep paıymdaıdy.
Instıtýt ǵalymdarynyń aıtýynsha, ammıak negizindegi otynǵa kez kelgen benzın dvıgateli jaraıdy - ony paıdalaný úshin otyn júıesine azdaǵan jańartýlar jasaý qajet. Degenmen ammıak ázirshe jappaı qoldanýǵa qymbatqa túsedi. Biraq ta ǵalymdar taıaý ýaqyttarda ony óndirýdiń arzanǵa túsetin joldaryn oılastyrmaq.
