Ońtústik Koreıada 7 jastaǵy qyzdyń jeti ishki organyn aýystyrý boıynsha operatsııa sátti ótti
ASTANA. 19 aqpan. QazAqparat - Ońtústik Koreıada dárigerler alǵashqy ret 7 jastaǵy qyzdyń jeti ishki organyn aýystyrý boıynsha ota jasady.
Operatsııa ótken jyldyń qazan aıynda elordalyq Asan medıtsınalyq ortalyǵynda Kım Do En dárigerdiń jetekshiligimen jasalǵan bolatyn. 7 jastaǵy Chho In So esimdi qyz 6 jyl boıy ishki qurylystyń aýrýynan zardap kórgen. Onyń baýyry, uıqy bezi, ash ishek pen asqazan, ultabar, jýan ishik jáne kókbaýyr aýystyryldy.
Bundaı sırek kezdesetin aýrýmen Ońtústik Koreıada shamamen 10 myń adam zardap shegedi. Jergilikti dárigerler bul aýrýdan qutylýdyń bir ǵana amaly - ishki qurylysty aýystyrý bolyp tabylatyndyǵyn aıtady.
Іshki qurylys organdaryn aýystyrý sátti ótti. Chho In So ótken jyldyń qazan aıynan aýyr tamaqtardy jemeıdi, osy aptada ol aýrýhanadan shyǵarylady.
«Onyń ishki qurylystaǵy organdarynyń kóbisi jumys istemedi, sondyqtan da biz bul operatsııaǵa eki jyl boıy daıyndaldyq. Baqytqa oraı, donor tabyldy», - dedi dáriger Kım Do En.
