Ońtústik Koreıada 25 qurylysshy tirideı janyp ketti
INChHON. QazAqparat – Sársenbi kúni Ońtústik Koreıanyń Inchhon qalasynda 25 qurylysshy órtten qaza tapty, dep habarlaıdy QazAqparat.
«Renhap» agenttiginiń málimetinshe, órt sársenbi kúni jergilikti ýaqytpen 13:32-de bastalǵan. Boljam boıynsha, órttiń shyǵýyna qurylys jumystary kezindegi jarylys sebep bolǵan.
«Qyzyl jalyn tez taraǵandyqtan adamdar evakýtsııalanyp úlgermegenge uqsaıdy», - deıdi oqıǵa ornyna kelgen órt sóndirýshiler.
Ońtústik Koreıa bıligi izdeý-qutqarý operatsııasyn uıymdastyrýǵa qolda bar resýrstyń barlyǵyn jumyldyrýǵa buıryq berdi.
