Ońtústik Koreıada 15 adam ómirge qaýipti koronavırýsty juqtyrdy
ASTANA. QazAqparat - Koreıa Respýblıkasynda taıaýshyǵystyq respıratorlyq sındromynyń ómirge qaýipti koronavırýsyn juqtyryp alǵan adamdardyń sany 15-ke jetti.
Ońtústik Koreıanyń densaýlyq saqtaý jáne áleýmettik qamtý mınıstrliginiń málimetterinshe, naýqastar elde koronavırýs dıagnozy rastalǵan birinshi adam bolǵan 68 jastaǵy káris jatqan aýrýhanaǵa barǵan. Ol bul aýrýdy Saýd Arabııasy men Bahreınge sapary kezinde juqtyryp aldy.
4 mamyr kúni eline oralǵan ol kóp ýaqyt ótpeı aýrýhanaǵa denesiniń qyzýy men jóteline shaǵymdanyp keldi, dep jazady TASS.
Taıaýshyǵystyq respıratorlyq sındrom adamnan alǵash ret 2012 jyly anyqtaldy. Bul aýrý 2003 jyly Qytaıda aýyr ótkir respıratorlyq sındromynyń jappaı taraýyna sebep bolǵan birdeı tıpti koronavırýsynan bolǵan. Qaltyraý, jótel, pnevmonııa erip júretin bul aýrý buǵan deıin kem degende toǵyz elde, sonyń ishinde Katar, Iordanııa, Frantsııa, Germanııa, Ulybrıtanııa, Italııa, Saýd Arabııasy, BAÁ jáne Týnıste tirkelgen.
Qazirgi kezde zerthanalyq túrde aýrýdyń 1116 oqıǵasy tirkelgen, kem degende 423 adam kóz jumdy. Bul vırýs alǵash ret 2012 jyly Saýd Arabııasynda anyqtaldy. Tumaý vırýsy sııaqty, ol da aýa-tamshy jolymen taralady.
