Ońtústik Koreıada 1000-ǵa jýyq «eles náresteler» isi tergelip jatyr
SEÝL. QazAqparat – Ońtústik Koreıada isi tergelip jatqan «eles náresteler» 939-ǵa jetti, dep habarlaıdy QazAqparat Yonhap agenttiginen silteme jasap.
Ońtústik Koreıa úkimeti 2015 jyldan beri tirkelmegen 2000-nan astam náresteniń aman-esendigin teksere bastady. Bul balalardyń ómirge kelgeni týraly medıtsınalyq jazba bar bolǵanymen, týǵany resmı tirkelmegen.
Polıtsııaǵa tirkelmegen nárestelerge qatysty 1069 is habarlanǵanymen, ázirge onyń 939-y tergelip jatyr.
939 «eles náresteniń» 34-i qaıtys bolǵany rastaldy. Polıtsııa 34 balanyń 14-i zorlyqpen ólmegenin anyqtady.
Qazir Ońtústik Koreıa polıtsııasy 11 balanyń ólimi kúmándi ekenin aıtyp, tergep jatyr, onyń ishinde el astanasy – Seýldegi eki bala ólimi bar.
Yonhap aqparaty boıynsha, polıtsııa tórt náresteniń ólimine ata-anasynyń qatysy bar ekenin anyqtap, isti prokýratýraǵa jiberdi.
Qazirgi ýaqytta polıtsııa tirkelmegen 782 náresteniń qaıda ekenin anyqtaý úshin jumys istep jatyr.
2000-nan astam náresteniń aman-esendigin tekserý naýqany ótken aıda 2018 jáne 2019 jyldary dúnıege kelgen nárestelerin býyndyryp óltirip, sol ýaqyttan beri olardyń máıitin Seýlden ońtústikke qaraı 30 shaqyrym jerdegi Sývondaǵy páterinde, tońazytqyshtyń ishinde saqtaǵan áıel ustalǵan soń bastaldy.
