Ońtústik Koreıada 10 adam avtobýsta tirideı janyp ketti
ASTANA. QazAqparat - Ońtústik Koreıada Ýlsan qalasynan alys emes jerdegi avtomagıstralda 10 adam avtobýs ishinde otqa orandy, taǵy on adam aýrýhanaǵa jetkizildi, dep habarlaıdy QazAqparat ońtústikkoreıalyq Renhap agenttigine silteme jasap.
Ázirge anyqtalmaǵan sebepter boıynsha, avtobýstyń dóńgelegi atylǵan, saldarynan jol ortasyn bólip turǵan dýalǵa baryp soǵylyp, otqa orandy. «RIA Novostı» habarlaǵandaı, on adam kólik ishinen shyǵa almaı, órtenip ketken. Qalǵan on adam qutqaryldy, alaıda jaraqattar alǵan.
Avtobýsta Hanwha Chemical kompanııasynyń 20 qyzmetkeri boldy. Olar Qytaıǵa jasaǵan ujymdyq týrıstik sapardan keıin áýejaıdan Ýlsan qalasyna qaıtyp kele jatqan edi.
