Ońtústik Koreıa «jasyl» energetıkaǵa kóshý josparyn jarııa etti
ASTANA. QazAqparat - Ońtústik Koreıa úkimeti «jasyl» energetıkaǵa kóshý baǵdarlamasy týraly habarlady. Jospar sý elektr stantsııasy óndiretin energııa úlesiniń 2030 jylǵa qaraı 5%-ten 20% deıin artýyn qarastyrady, dep jazady Reuters.
Ońtústik Koreıa úkimeti budan basqa tabıǵı gaz paıdalanýdy arttyrýdy qolǵa alǵaly otyr: 2030 jylǵa qaraı 18%-ten 27%-ke deıin. Bul úshin basqa elderden ımorttalatyn suıytylǵan gaz kólemin arttyrý josparlanǵan.
«Korea Electric Power Corp» kompanııasynyń málimetinshe, naýryz aıyndaǵy gaz elektr energııasynyń baǵasy 0,1160 dollar kılovatt saǵatqa teń. Bul kómir energııasy qunynan 40%-ke artyq jáne ıadrolyq gazdan eki esege qymbat.
Hanıang ýnıversıtetiniń energetıka salasy boıynsha professory Paık Ýngıýdiń málimdeýinshe, úkimet áli kúnge deıin ımport gazy salyǵyn tóleıdi, biraq, kómir jáne atom stantsııalaryna salyqtyq jeńildikter jasaıdy. Jańa joba kómir jáne atom energetıkasynyń artyqshylyqtaryn alyp, gaz energııasyna qosa otyryp, «salyq tóleýdegi burmalanǵan júıeni» túzetýge múmkindik beredi.
Qazirgi ýaqytta Ońtústik Koreıa barlyq elektr energııasynyń 70%-in kómir jáne ıadrolyq stantsııalardan alady. Jańa josparǵa sáıkes, 2030 jylǵa qaraı kómir stantsııasynyń úlesi 40%-ten 21,8%-ke, al atom stantsııasynyń úlesi 30%-ten 21,6%-ke tómendeıdi.
