Ońtústik Koreıa zańsyz júrgen sheteldikterdiń elden shyǵý erejelerin kúsheıtti
SEÝL. QazAqparat – Jeksenbi kúni Ońtústik Koreıanyń Ádilet mınıstrligi eldiń bılik ókilderi zańsyz júrgen sheteldik azamattarǵa elden aldyn ala eskertýsiz shyǵýǵa tyıym salatynyn málim etti, dep habarlaıdy «QazAqparat» HAA Renhap agenttigine silteme jasap.
Bul shara qylmys jasaǵan sheteldik azamattardyń árekettegi eseptilik júıesin teris paıdalanyp, elden ketýine jol bermeý úshin qabyldanady.
Búgingi kúnge deıin zańsyz ımmıgranttar bıliktegilerge ketetinderi týraly dál sol súni habarlap, óz betterimen elden shyǵa beretin edi.
Jańa erejege sáıkes, zańsyz ımmıgranttar ońtústikkoreıalyq bılik ókilderin ketetini týraly 3-15 kún buryn eskertip, sáıkes tekseristen ótýi kerek bolady. Árekettegi eseptilik júıesi 21 qazanda buǵattalady, al óz erkimen ketýge jazylatyn ótinimniń jańa úlgisi kelesi aptada daıyn bolady.
Sondaı-aq, jańa erejeler sheteldikter úshin eskertý jiberilgennen keıin qaıtý ýaqytyn ózgertýge tyıym salady. Bul qylmys jasaǵannan keıin qashýǵa áreket etý amalynyń aldyn alady.
Agenttik atalmysh erejeler Ońtústik Koreıa aýmaǵynda júrgen Qazaqstan azamaty Seýldan ońtústik-batysqa qaraı 400 shaqyrym jerdegi Chhanvon qalasynyń bastaýysh synyp oqýshysyn qaǵyp ketip, erteńgi kúni elden qaıtyp ketkeninen keıin kúsheıtilgenin habarlaıdy.
Ádilet mınıstrliginiń habarlaýynsha, qazirgi tańda Ońtústik Koreıa úkimeti Qazaqstanmen kúdiktini keri qaıtarý týraly kelissózder júrgizip jatyr.
