Ońtústik Koreıa ushaq ishindegi buzaqylardy toqpen uryp toqtatýǵa ruqsat berdi
ASTANA. QazAqparat - Ońtústik Koreıanyń «Korean Air Lines Co» iri áýe kompanııasy bortserikterine tártipti buzatyn jolaýshylardy elektroshokerlerdiń kómegimen tynyshtandyrýǵa ruqsat berdi, dep habarlaıdy QazAqparat Yonhap agenttigine silteme jasap.
Áýe kompanııasynda túsindirip ótkendeı, ushýlar qaýipsizdigi tehnıkasy boıynsha atalmysh quraldy ekıpajǵa, jolaýshylarǵa nemese ushý qaýipsizdigine úlken qater týyndaǵan kezde ǵana paıdalanýǵa ruqsat etiledi. Degenmen, áýe keńistiginde oryn alatyn oqıǵalardyń jıilep ketýi, kompanııa basshylyǵyn bul erejelerdi qaıta qaraýǵa májbúrlegen. Koreıa Kólik mınıstrliginiń málimetinshe, atalmysh eldiń áýe kompanııalarynyń ushaqtarynda tirkeletin quqyqbuzýshylyqtardyń sany sońǵy jyldary eki eseden astamǵa artqan: 2012 jylǵy 191 oqıǵa oryn alsa, 2015 jyly - 460.
Endi bul erejeler barynsha keńeıtildi. ıAǵnı áýe kompanııasynyń qyzmetkerleri kez kelgen agressıvti jolaýshyny elektroshokerlerdiń kómegimen toqtata alady.
