Ońtústik Koreıa turǵyny eki balasyn óltirip, máıitin tońazytqyshta saqtaǵan

ASTANA. QazAqparat – Ońtústik Koreıa eliniń polıtsııasy jańa týǵan eki nárestesin óltirdi dep aıyp taǵylyp otyrǵan áıeldi qamaýǵa alýǵa ruqsat surady. Kúdikti shaqalaqtardyń denesin birneshe jyl boıy úıindegi muzdatqyshta saqtaǵan, dep habarlaıdy QazAqparat tilshisi CNN agenttigine silteme jasap.

30 jastaǵy áıel sábılerin óltirgenin moıyndady jáne mundaı qadamǵa 12, 10 jáne 8 jastaǵy basqa úsh balasyn asyraý úshin barǵanyn málimdedi. Eki shaqalaq ta tek bir kún ǵana ómir súrgen.

Kúdikti áıel 2018 jyldyń qarashasynda aýrýhanada bosanǵan tórtinshi balasyn tunshyqtyryp óltirip, ony máıitin úıindegi muzdatqyshqa salyp qoıǵan. Sonymen qatar, 2019 jyldyń qarashasynda dúnıege kelgen besinshi balasynyń da ómirin dál osylaı qıǵan.

Polıtsııa dereginshe, áıeldiń kúıeýi onyń óz balalaryn óltirgeni týraly bilmegenin. Óıtkeni, kúdikti jubaıyna túsik jasatqanyn aıtqan.

21 maýsymda polıtsııa áıeldiń úıine tekserý júrgizdi. Bul ýaqytta kúdikti óziniń qylmys jasaǵanyn moıyndady. Búgin áıel ózin qamaýǵa alýǵa ruqsat berý jónindegi tyńdaýǵa qatysýy tıis.

Yonhap agenttiginiń málimetinshe, Ońtústik Koreıada 2015 jyldan beri týǵan 2000-ǵa jýyq náreste resmı tirkelmegen.

Sondyqtan eldiń memlekettik aýdıt jáne ınspektsııalyq komıssııasy 2015-2022 jyldar aralyǵynda dúnıege kelgen, biraq resmı qujat almaǵan 2 236 balǵa qatysty tekserý júrgizýdi josparlap otyr.