Ońtústik Koreıa sportshylary ShQO-daǵy boks týrnırine qatysýda
ASTANA. QazAqparat - ShQO-da Maldybaı qajyny eske alýǵa arnalǵan 2002-2003, 2004-2005 jyldary týǵan uldar arasynda bokstan XVIII respýblıkalyq týrnır ótip jatyr.
ShQO Dene shynyqtyrý jáne sport basqarmasynyń baspasóz qyzmetiniń habarlaýynsha, Tarbaǵataı jerinde respýblıkalyq deńgeıde osymen XVIII ret ótip otyrǵan jarysqa barlyǵy 12 komandanyń namysyn qorǵaıtyn 120 sportshy qatysýda.
Tarbaǵataılyqtardan bólek, saıysqa Almaty, Astana, Óskemen, Semeı qalalarynan jáne Aıagóz, Jarma, Kúrshim, Zaısan syndy aýdandardan jas boksshylar keldi. Sonymen qatar, Ońtústik Koreıadan jas bylǵary qolǵap sheberleri de baq synaýda.
Sportshylar barlyǵy 13 salmaq dárejesinde myqtyny anyqtaıdy.
Jarys qorytyndysy 4 qarashada belgili bolady.
