Ońtústik Koreıa Reseıden úsh sibir jolbarysyn surap otyr
ASTANA. Qarashanyń 12-si. QazAqparat - Ońtústik Koreıa Soltústik-Shyǵys Azııa aımaǵy faýnasynyń sáni sanalatyn jáne sońǵy ýaqytta tuqymy joǵalyp bara jatqan jolbarystardyń genofondyn saqtaý úshin, jaqynda úsh sibir jolbarysyn surap,
Reseıge resmı ótinish joldady. Bul ótinish qazan aıynyń sońynda Máskeýde ótken Qorshaǵan ortany qorǵaý salasyndaǵy yntymaqtastyq jónindegi reseı-koreı keńesiniń kezekti otyrysynda jasaldy, dep habarlaıdy ITAR-TASS.
Sibir jolbarysy qazirgi Ońtústik Koreıanyń aýmaǵynda sońǵy ret 1922 jyly Tedoksan taýlarynda baıqalǵan. Sol jyly jyrtqyshty óltirgen. Mine, sodan beri Koreıada jolbarysty óz kózimen kórgen adam joq, sondyqtan da, janýardyń bul túriniń tuqymy qalmaǵan dep sanalady.
