Ońtústik Koreıa prezıdentine koronavırýsqa qarsy AstraZeneca vaktsınasy egildi
SEÝL. QazAqparat – Seısenbi kúni Ońtústik Koreıa eliniń prezıdenti Mýn Chje In Ulybrıtanııada ótetin G-7 sammıtine qatysý aldynda COVID-19 vırýsyna qarsy AstraZeneca vaktsınasynyń birinshi dozasyn aldy.
Prezıdentke ekpe Seýl qalasyndaǵy prezıdenttik keshenge jaqyn ornalasqan Chonnogý medıtsınalyq ortalyǵynda salyndy. Prezıdentpen qatar vaktsına onyń zaıyby Kım Chjon Sýk pen el basshysymen maýsymda Ulybrıtanııadaǵy saparynda birge erip júretin toǵyz sheneýnikke egilgen. G-7 sammıtin 11-13 maýsym kúnderi Kornýolldaǵy Karbıs-Beıde ótkizý belgilendi, dep habarlaıdy QazAqparat Yonhap aqparattyq agenttigine silteme jasap.
Seısenbide Ońtústik Koreıa 65 jáne odan úlken jastaǵy adamdarǵa koronavırýsqa qarsy AstraZeneca vaktsınasyn egýdi bastady.
Birer kún buryn jergilikti densaýlyq saqtaý organdary vaktsına men adamdarda trombtardyń paıda bolýy oqıǵalary arasynda eshqandaı baılanys anyqtamaǵanyn málim etti.
AstraZeneca vaktsınasynyń alǵashqy dozasy egilgennen 8-12 apta ótkende ekinshi dozasy salynady.
