Ońtústik Koreıa prezıdenti úkimet basshysynyń otstavkaǵa ketýine kelisimin berdi
ASTANA. QazAqparat - Ońtústik Koreıa prezıdenti Pak Kyn He úkimet basshysy Chon Hon Vonnyń ostavkasyn qabyldaýǵa kelisimin berdi. Alaıda, bul tek «Sevol» kemesiniń apatqa ushyraǵan ornynda izdestirý jáne qutqarý jumystary tolyǵymen baqylaýǵa alynǵannan keıin júzege asyrylmaq, dep jazady ITAR-TASS.
Aıta keteıik, premer-mınıstr atalmysh keme apatynan soń úkimettiń áreketteri qatań synǵa alynǵannan keıin taǵynan ketýge sheshim qabyldaǵan. Apatqa ushyraǵandardyń týystary bılikti izdestirý-qutqarý jumystaryn jetkilikti túrde júrgizbeı otyrǵandyqtary úshin aıyptaǵan bolatyn.
«Sevol» kemesi 16 sáýir kúni Ońtústik Koreıanyń ońtústik-batys jaǵalaýynda apatqa ushyraǵan edi. Onyń bortynda 475 jolaýshy men ekıpaj músheleri bolǵan. Keme kapıtany men ekıpaj músheleriniń basym bóligin eskergende, 174 adam aman. Búgingi málimetter boıynsha, paromda bolǵan 187 adamnyń ólim qushqany naqtylanyp otyr. Taǵy 115 adamdy izdestirý jumystary jalǵasyp jatyr. Prokýratýra men polıtsııa qyzmetkerleri júrgizip jatqan tergeý barysynda «Sevol» kemesiniń operatory bolǵan kompanııanyń qyzmetinen kóptegen zań buzýshylyqtar tapqan. Tiri qalǵan barlyq ekıpaj músheleriniń ústinen qylmystyq is qozǵaldy.
