Ońtústik Koreıa Prezıdenti tuńǵysh ret áıel adam boldy
ASTANA. 19 jeltoqsan. QazAqparat - Ońtústik Koreıadaǵy prezıdenttik saılaýda «Senýrı» konservatıvtik bıleýshi partııasynyń ókili Pak Kyn He jeńiske jetti, dep habarlady RosBıznesKonsaltıng.
Tartysty dodada ol Birikken demokratııalyq oppozıtsııadan túsken úmitker Mýn Chje Indi artta qaldyrdy. Ońtústikkoreıalyq saılaý komıssııasy osyndaı málimetterdi jarııalady.
Áıel-úmitker 1,5 paıyzdan (48,9 paıyzǵa qarsy 50,1 paıyz) sál az basymdyqqa ıe boldy. Endi bıleýshi partııanyń ókili prezıdenttik laýazymda 2013 jyldyń aqpan aıynda ókilettigi aıaqtalatyn Lı Men Bakty aýystyrady.
Pak Kyn He general Pak Chon Hıdiń qyzy. Ol Ońtústik Koreıa tarıhyndaǵy eń belgili tulǵalardyń biri, 1963 jyldan 1979 jylǵa deıingi aralyqta prezıdent taǵynda otyrdy. Pak Chon Hı bılikte dıktatorlyq ádisti paıdalandy, alaıda onyń prezıdenttigi tusynda el ekonomıkasy joǵary qarqynmen damydy.
