Ońtústik Koreıa Prezıdenti «Chhonan» korvetiniń isin BUU-nyń Qaýipsizdik Keńesine bermek
ASTANA. Mamyrdyń 24-i. QazAqparat - Ońtústik Koreıa «Chhonan» korvetiniń sýǵa batyrylýy týraly isti BUU-nyń Qaýipsizdik Keńesiniń qaraýyna bermek.
El Prezıdenti Lı Men Bak dúısenbi kúni BUU Qaýipsizdik Keńesinde osyǵan oraı sóz sóıleıdi, dep habarlady prezıdent ákimshiliginiń ókili Lı Don Gvan. Bul týraly «Reıter» agenttigi habarlady.
«Chhonan» korveti naýryzdyń 26-synda Sary teńizde sýǵa batyp ketip, 46 teńizshi qaza taýyp, 58-i aman qalǵan edi. Halyqaralyq tergeýshiler toby korvettegi jarylysqa torpedanyń sebep bolǵanyn aıtyp otyr. Soltústik Koreıa óz kezeginde, barlyq aıyptaýlardy joqqa shyǵaryp, eger Ońtústik Koreıa Soltústikke shabýyl jasamaq bolsa, «qatty soqqy beriletinin» málim etýde.
