Ońtústik Koreıa premer-mınıstri «Sevol» kemesiniń apatqa ushyraýynan keıin otstavkaǵa ketti
ASTANA. QazAqparat - Ońtústi Koreıa premer-mınıstri Chon Hon Von «Sevol» kemesiniń apatyna baılanysty ońtústikkoreıalyq bıliktiń synynan soń otstavkaǵa ketti, dep habarlaıdy Reıter.
«Meniń bul qyzmette qalýym ákimshilik úshin tym aýyr tıedi», - degen premer-mınıstrdiń baspasóz máslıhatyndaǵy sózin keltiredi agenttik. Apattan keıin kelesi kúni Hon Von batyp ketken keme jolaýshylarynyń ata-analarymen jolyqty. Alaıda, olar úkimet basshysyn synap, muny saıası qadam retinde aıyptaǵan. Kezdecý kezinde kópshilik oǵan bótelkeler laqtyryp, aıǵaı-shý shyǵarǵan. Sondaı-aq apatqa ushyraǵandardyń týystary qutqarý operatsııasynyń barysyn synǵa aldy. Sonymen, beısenbi kúni olar joǵalyp ketken jolaýshylardy izdeýmen aınalysyp jatqan jaǵalaý kúzetiniń keńsesine kirip ketip, onyń bastyǵynyń orynbasaryn soqqyǵa jyqty. Sóıtip, olar qutqarý kemelerine operatsııa barysyn táýlik boıy kórsetip otyratyn kamera ornatýdy talap etken.
