Ońtústik Koreıa parlamenti prezıdent ımpıchmenti boıynsha qarardy qaraıdy
ASTANA. QazAqparat - Ońtústik Koreıanyń úsh oppozıtsııalyq partııasy parlamentke prezıdent Pak Kyn He-ge ımpıchment jarııalaý týraly qarar jobasyn engizdi.
Qarardy 171 depýtat qoldady dep habarlaıdy Yonhap.
Budan buryn ońtústikkoreıalyq oppozıtsıonerler 9 jeltoqsanda ımpıchment jarııalaý boıynsha daýys berýge kelisken bolatyn.
Pak Kyn Heniń ókilettik merzimi 2018 jylǵy aqpanda aıaqtalady. Eger oppozıtsııa jeńgen jaǵdaıda Pak Kyn He Ońtústik Koreıanyń laýazymyn merziminen buryn aıaqtaǵan alǵashqy prezıdenti bolmaq.
Ońtústik Koreıa basshysy mańyndaǵy daý-janjal baıandamasyn eshqandaı memlekettik qyzmette joq qurbysy Tsoı Sýn Sıldiń daıyndap berýimen bastaldy.
Bul onyń memlekettik saıasatqy yqpal etetindigin bildiredi. Sondaı-aq, budan basqa Tsoı iri ońtústikkoreıalyq korporatsııalardan qarjy alyp óziniń kommertsııalyq emes qorlaryna aýdardy degen kúdikke de ilinip otyr, dep jazady rosbalt.ru.
