Ońtústik Koreıa otandyq krıptovalıýtalar naryǵyn damytýǵa kómektesedi
Qazaqstannyń blokcheın jáne krıptovalıýtalar qaýymdastyǵynyń tóraǵasy Eset Býtınniń aıtýynsha, atalǵan uıym "Astana" Halyqaralyq qarjy ortalyǵymen kelisimge otyryp, birlesip jumys isteýge múddeli. Otandyq krıptovalıýtalardy damytý máselesi de pysyqtalady. "Negizi, "Astana" Halyqaralyq qarjy ortalyǵy aıasynda blokcheın men krıptovalıýtalardy damytýǵa qatysty úlken bastamalar qoǵa alynady. Máselen, 18 qańtarda bizdiń Ońtústik Koreıadaǵy áriptesterimiz keledi. Olarmen birge biz Halyqaralyq qarjy ortalyǵymen kelissózderimizdi jalǵastyratyn bolamyz. Aǵymdaǵy jyly kóktemde koreıalyq áriptestermen birlese otyryp, qarjy ortalyǵy negizinde arnaıy tájirıbe aımaǵyn ashamyz dep oılaımyz. Sol jerde blokcheın men krıptovalıýtalarǵa qatysty barlyq tyń bastamalar iske asatyn bolady", - dedi E.Býtın Astanada ótken baspasóz máslıxatynda.
Onyń aıtýynsha, búginde Ońtústik Koreıa xalqynyń 30 paıyzy saýda-sattyqty krıptovalıýtamen júrgizedi. Sondyqtan osy eldiń tájirıbesin zerdelep shyqqan mańyzdy.
Aıta keteıik, buǵan deıin "Astana" Halyqaralyq qarjy ortalyǵynyń basqarýshysy Qaırat Kelimbetov kúndelikti ınvestıtsııalarmen qatar jańa qarjy texnologııalaryn da damytýǵa múddeli ekenin málimdegen bolatyn. Onyń aıtýynsha, bolashaqta EKSPO aımaǵy "krıptovalıýtalar aılaǵyna" aınalady.
Bas kezinde atalǵan bastama testilik úlgide qolǵa alynady.