Ońtústik Koreıa men KHDR shuǵyl kelissózder ótkizýge kelisti
ASTANA. QazAqparat - Ońtústik Koreıa men KHDR ahýaldy qalypqa keltirý úshin shuǵyl kezdesý ótkizýge kelisti, dep habarlaıdy «Renhap» agenttiginen.
Kelissózder shekara mańyndaǵy Phanmýndjom kentinde, Phenıannyń Seýlǵa shekaradaǵy daýys zoraıtqyshtardy kórsetýdi talap etken ýltımatým merziminiń aıaqtalýynan bir saǵattan keıin ótýi tıis. Buǵan deıin senbide Seýl KHDR-dy eki memleket arasyndaǵy qarýsyzdandyrylǵan aımaqta qarý jaraq ornatty dep aıyptap, soltústikkoreıalyq áskerılerdiń soqqy jasaýǵa daıyndalyp jatqanyn aıtqan. Osydan keıin Koreıa Respýblıkasy AQSh-pen birge Soltústik Koreıaǵa toıtarys berýge kelisti. Shekaradaǵy jaǵdaı soltústikkoreıalyq áskerılerdiń Ońtústik Koreıanyń Phenıan rejımine qatysty syn aıtatyn daýys zoraıtqyshtardy zeńbirekpen joıǵysy kelgen áreketinen soń kúrdelene tústi. Ońtústik Koreıanyń bıligi KHDR-nyń talaptaryn oryndaýdan bas tartty. Soltústikkoreıalyq kóshbasshy Kım Chen Yn el áskerin tolyq jaýyngerlik ázirlikke keltirýdi buıyrdy. Jaýap retinde AQSh pen Ońtústik Koreıa ekijaqty keńesterdi ótkizgen soń birlesken áskerı oqý-jattyǵýlaryn bastaǵan bolatyn.
