Ońtústik Koreıa men KHDR shekaralarynda sary jalaýlar kóterildi
SEÝL. QazAqparat - Jeksenbi kúni Ońtústik Koreıa men KHDR kúsheıtilgen shekaranyń eki jaǵynda da kúzet beketteriniń 11-inde sary jalaýlar kóterdi, dep habarlaıdy QazAqparat Renhap agenttigine silteme jasap.
Sary týlardyń kóterilýi - qyrkúıek aıynda eki el basshylary Kım Chen Yn men Mýn Chje Inniń qatysýymen ótken sammıtte qol jetkizilgen áskerı kelisim aıasynda kúzet beketterin demontajdaýǵa jasalǵan alǵashqy qadam.
Qorǵanys mınıstrliginiń resmı ókilderiniń habarlaýynsha, eki tarap ta 22 bekettiń árqaısysynda kólemi 4h3 metr bolatyn sary jalaýlardy kóterdi.
«Bul, protsestiń ashyqtyǵy úshin ár tarapqa kúzet beketterin qaıta montajdaý boıynsha jumystardyń ilgerileýin baqylaýǵa múmkindik beredi», - dedi mınıstrliktegi derekkóz.
Aıta keteıik, eksperımenttik negizdegi bul jumystar kúzet aımaqtaryn «beıbitshilik aımaqtaryna» aınaldyrý boıynsha kúsh-jigerlerdiń negizgisi.
