Ońtústik Koreıa men AQSh birlesken áskerı jattyǵýlaryn bastady
ASTANA. QazAqparat - Ońtústik Koreıa men AQSh búgin, ıaǵnı 18 tamyzda jyl saıynǵy áskerı jattyǵýyn bastady. Bul týraly Ońtústik Koreıa Qorǵanys mınıstrine silteme jasaı otyryp, «Renhap» agenttigi habarlady. Jattyǵýlar eki aptaǵa sozylady, olardyń maqsaty - Soltústik Koreıaǵa qarsy birlesken is-qımyl sharalaryn jetildirý.
lenta.ru-dyń jazýynsha, jattyǵýǵa 50 myń ońtústikkoreıalyq jáne 30 myń AQSh-tyq jaýyngerler tartylǵan. AQSh jaýyngerleriniń 3 myńy óz elinen kelse, qalǵandary sheteldik bazalardan shaqyrylyp otyr.
Aıta keteıik, bul jattyǵýǵa qatysty Koreı Halyq Demokratııalyq Respýblıkasynyń basshylyǵy narazylyǵyn bildirip, Ońtústik Koreıa men AQSh-tyń birlesken jattyǵýlaryn «ıadrolyq soǵysqa daıyndyq» dep baǵalaǵan bolatyn. Osyǵan jaýap retinde resmı Phenıan «aıaýsyz eskertpe soqqy» beretinin málimdegen. Bul týraly KHDR-nyń Ortalyq telegraf agenttigi (KOTA) Koreı halyq áskeri bas shtabynyń resmı ókiline silteme jasaı otyryp, habarlaǵan bolatyn.
14 tamyzda Phenıan jattyǵýlarǵa narazylyq retinde qysqa qashyqtyqtaǵy úsh zymyranyn Japon teńizi baǵytynda synaqtan ótkizgen edi. Olar Ońtústik Koreıaǵa Rım Papasy Frantsısktiń kelýine jarty saǵat qalǵanda jiberilgen bolatyn.
