Ońtústik Koreıa KS tóraıymy jumysqa shashyna oralǵan bıgýdımen keldi
ASTANA. QazAqparat - Ońtústik Koreıa Konstıtýtsııalyq sotynyń tóraıymy áp sátte-aq eńbeksúıgishtik nyshanyna aınaldy.
Oǵan sebep, ol shashynan alyp tastaýǵa umytyp ketken - bıgýdı. Sýdıa Ońtústik Koreıa prezıdentiniń ımpıchmentine qatysty KS úkimin jarııalaýy tıis bolǵan, dep habarlaıdy versia.ru.
Ońtústik Koreıa Konstıtýtsııalyq sotynyń tóraıymy Lı Chon Mı jumysqa bıgýdı oralǵan shashymen kelip, eldegi eń eńbekqor áıel degen ataqqa ıe boldy. 54 jastaǵy áıel el prezıdentiniń ımpıchmentine qatysty KS-tiń sheshimin jarııalaýǵa asyǵyp, shash buıralaıtyn quraldy basynan alyp tastaýǵa umytyp ketken. Ońtústik Koreıanyń kóptegen azamattary Lıdiń bul áreketin uqypsyzdyq emes, eńbeksúıgishtik pen óz isine degen adaldyq retinde qabyldady.
El turǵyndary 2014 jyly «Sevol» paromynyń apatynan keıin memleket basshysynyń rezıdentsııasyna shuǵyl túrde shashtaraz shaqyrylǵanyn eske aldy. Anyqtalǵandaı, prezıdent kóńil aıtý sózderin shashyn sándemeı jasaǵysy kelmegen.
Aıta keteıik, 9 jeltoqsanda Ońtústik Koreıa parlamenti prezıdentti qyzmetinen bosatýdy qoldap, daýys berdi. Araǵa 10 kún salyp osy iske qatysty alǵashqy sot otyrysy ótti. Konstıtýtsııalyq sot ımpıchmentti quptady.
Ońtústik Koreıa basshysynyń aınalasyndaǵy daý-janjal onyń memlekettik qyzmetke qatysy joq qurbysy Chhve Sýn Sılmen baılanysty. Bul onyń memlekettik saıasatqa yqpal etetindigin bildiredi. Budan basqa, Chhve iri ońtústikkoreıalyq korporatsııalardan qarjy alyp óziniń kommertsııalyq emes qorlaryna aýdardy degen kúdikke ilingen. Prokýratýra prezıdenttiń bul qylmystyq áreketke qatysy bar dep esepteıdi.
