Ońtústik Koreıa kózge kórinbeıtin záýlim ǵımarat turǵyzbaq
ASTANA. 16 qyrkúıek. QazAqparat - Ońtústik Koreıada kózge kórinbeıtin záýlim ǵımarat salynady. Sáýlet kompanııalarynyń biri qazirdiń ózinde Seýl áýejaıy mańynda «Sheksizdik» dep atalatyn záýlim ǵımarat qurylysyna ruqsat aldy.
Bul jaıynda sheteldik buqaralyq aqparat quraldary jazýda.
Bıiktigi 450 metrdi quraıtyn ǵımarat álemdegi eń záýlim nysandardyń birine aınalatyn bolady. Onyń ereksheligi ǵımarat qasbetine kameralar men jaryq dıodty proektorlar ornatylady. Sáýletshilerdiń aıtýynsha,olar koreılik ınnovatsııalyq tehnologııalardy pash etý úshin álemdegi eń birinshi kózge kórinbeıtin ǵımaratty turǵyzýdy maqsat tutýda.
