Ońtústik Koreıa koronavırýsqa baılanysty 1 «A» sanatyndaǵy elge jatqyzylýy múmkin
ALMATY. QazAqparat - Ońtústik Koreıa koronavırýs ınfektsııasy kóp tirkelgen elderdiń qatarynda bolǵandyqtan birinshi «A» sanatyna qosylýy múmkin. Bul týraly Almaty qalasy taýarlar men qyzmetterdiń qaýipsizdigin baqylaý departamenti basshysynyń orynbasary Ásel Qalyqova brıfıng kezinde málimdedi, dep habarlaıdy QazAqparat tilshisi.
«Búginen bastap Ońtústik Koreıany 1 «A» sanatyna qosý josparda. Resmı rastaýdy kútip otyrmyz. Bul epıdemıologııalyq jaǵdaıǵa, ıaǵnı koronavırýstyń únemi jańa jaǵdaılary tirkelýine baılanysty (Ońtústik Koreıada). Ár mınýt, saǵat saıyn monıtorıng júrgizilip otyr», - dedi Ásel Qalyqova.
Onyń aıtýynsha, eger Ońtústik Koreıa birinshi «B» -dan birinshi «A» sanatyna aýyssa, tıisti profılaktıkalyq sharalar qoldanylady.
Búgingi tańda 1 A sanatynda Qytaı men Iran bar. Bul elderden kelgender 14 kúnge karantınge oqshaýlanady. Sodan keıin, taǵy 10 kún dárigerlerdiń baqylaýynda bolady.
Almaty qalalyq qoǵamdyq densaýlyq saqtaý basqarmasynyń bastyǵy Tileýhan Ábildabaevtyń aıtýynsha, karantın koronavırýstyń aldyn alý úshin qajet.
«Karantın qaýipsizdik úshin kerek. Búgingi kúni karantınge jatqyzylǵan jáne qaýipti aımaqtan kelgenderdiń arasynda koronavırýs ınfektsııasy anyqtalǵan joq», - dedi ol.
Aıta keteıik, qazirgi ýaqytta álemde COVID-19 vırýsyn juqtyrǵandar sany 90 893 adam jáne odan 3110 adam qaıtys boldy.
Sońǵy eki táýlikte Qytaıdan tysqary jerde tirkelgen 1848 naýqastyń 80%-y úsh elge tıesili: Iran, Italııa jáne Ońtústik Koreıa.
