Ońtústik Koreıa koronavırýs ınfektsııalarynyń «jarylys» tolqynyna urynýy múmkin – el prezıdenti

SEÝL. YONHAP - QazAqparat – Ońtústik Koreıa prezıdenti Mýn Chje In dúısenbi kúni pandemııanyń eldegi qazirgi jaǵdaıyn qadaǵalaı almasa, koronavırýs ınfektsııalarynyń «jarylys» tolqynyna urynýy múmkin ekendigin eskertti. Bul týraly QazAqparat Ońtústik Koreıanyń YONHAP agenttigine silteme jasap habarlaıdy.

«Eger biz qyraǵylyqty álsiretsek, bul jarylys kúshi bar pandeıamııaǵa soqtyra alatyn qaýipti jaǵdaı bolmaq», - dep atap ótti ol koronavırýsqa baılanysty ótken shuǵyl vedomstvoaralyq keńes kezinde.

Eldiń koronavırýs ınfektsııalarynyń tórtinshi tolqynyna urynýy múmkindigine qatysty qaýiptenýi ósip keledi. Prezıdenttiń aıtýynsha, qazirgi kezeńde eń mańyzdysy, barlyq jerde júre alatyn «jasyryn ınfektsııalanǵan adamdardy» anyqtaý eń mańyzdy bolyp tabylady.

Sondaı-aq Mýn Chje In «eger koronavırýs baqylaýǵa alynbasa, úkimettiń ekonomıka jáne adamdar tirshiligine túsetin aýyrtpalyqqa qaramastan, joǵary ázirlik deńgeıine ótýden basqa amaly qalmaıtynyn eskertti.

Buǵan qosa ol qoǵamnan vaktsınalaý baǵdarlamasyn qoldaýdy surap, onyń sátti bolýy «jyldamdyq pen qaýipsizdikke» táýeldi ekenin málimdedi.

Prezıdent eldiń densaýlyq saqtaý organdarynyń 30 ben 60 jas aralyǵyndaǵy tulǵalarǵa AstraZeneca ekpesin qaıta sala bastaý sheshimin de eske saldy.