Ońtústik Koreıa KHDR jańa ıadrolyq synaqtarǵa ázir ekenin málimdedi
ASTANA. QazAqparat - Ońtústikkoreıalyq áskerıler KHDR-dyń kez kelgen ýaqytta jańa ıadrolyq synaq júrgizý úshin barlyq múmkindikteri bar dep sanaıdy. Bul týraly RIA Novostı habarlady.
«KHDR-da kezekti ıadrolyq synaqty júrgizý úshin tonnel bar», - dep KR qorǵanys mınıstrliginiń ókili Mýn San Gıýnniń sózin keltirdi Renhap agenttigi dúısenbide baspasózmáslıhaty barysynda.
Ol sondaı-aq «AQSh jáne Ońtústik Koreıanyń barlaý qyzmetiniń baǵalaýyna sáıkes KHDR Phýngerı aýdanynda kez kelgen sátte kelesi ıadrolyq synaqtardy ótkizýge ázir ekenin atap ótti».
Juma kúni, 9 qyrkúıekte, saǵat 09.30-da QHDR-da magnıtýdasy 5,0 jer silkinisi tirkeldi. KHDR bıligi ıadrolyq synaqty sátti júrgizgenin rastady jáne ballıstıkalyq zymyrandardy ıadrolyq oqtumsyqtarmen jaraqtaýǵa qabiletti ekenin habarlady. Ońtústikkoreıalyq áskerılerdiń derekterine sáıkes jarylǵysh zattyń qýaty 10 kılotonnany quraýy múmkin, bul 6 kılotonna bolǵan qańtardaǵy jarylystyń qýatynan eki ese asyp túsedi.
Kezekti ıadrolyq synaqty júrgizýin Japonııa, AQSh, Ońtústik Koreıa, birqatar eýropalyq memleketter aıyptady. RF SІM-de Máskeý KHDR qaýipti táýekelderdi toqtatyp, BUU QK barlyq nusqamasyn oryndap, zymyrandyq-ıadrolyq baǵdarlamalardan tolyqtaı bas tartýdy talap etip otyrǵanyn habarlady.
Seısenbi, 13 qyrkúıekte, Seýlde AQSh men Ońtústik Koreıanyń arnaıy ókilderiniń KHDR boıynsha kelissózi ótedi. Son Kım men Kım Hon Gıýnnyń kezdesý nátıjesi boıynsha birlesken baspasóz konferentsııasy ótedi, onyń barysynda taraptar Phenıanǵa qatysty qarsy sharalardy málimdeıdi.
